JM De Guzman at isang Tattoo Artist, naging karelasyon umano ni Kylie Padilla na naging dahilan ng hiwalayan nila ni Aljur Abrenica.

Matapos ang kontrobersyal na post ni Aljur Abrenica tungkol sa relasyon ni Kylie Padilla ay naging maingay naman ang pangalan ni JM De Guzman.

Mainit na mainit paring pinaguusapan ang tungkol sa paghihiwalay ng mag asawang Kylie at Aljur.

Matatandaang nagsimula ang lahat ng ito ng kumpirmahin ng ama ni Kylie na si Robin Padillaang paghihiwalay ng dalawa.

Ang panayam ay isinagawa ng batikang talent manager na si Ogie Diaz at na-upload sa kanyang Youtube channel.

Tahasang sinabi ni Robin na third party umano ang dahilan ng kanilang hiwalayan ngunit hindi naman nagsabi ng pangalan ang action star.

Hanggang sa marami na ngang nasangkot na pangalan, nadawit na dito sina Mika Rivera at Cindy Miranda.

Ayon sa mga netizen ang mga dalagang aktres na ito ang dahilan ng hiwalayan nina Kylie at Aljur.

Ngunit pumalag sila Mika at Cindy ang mga paratang na ito sa kanila. Ayon sa dalawa nakatrabaho lamang nila si Aljur.

Hindi umano totoo ang mga ibinibintang sa kanila ng netizens.

Ngunit hindi namang nagtagal ay may isang pangalan naman ang lumutang at nadawit na posibleng dahilan umano ng hiwalayan.

At ito ng ay walang iba kundi ang Kapamilya actor na si JM De Guzman.

Hindi maiwasang masangkot ang pangalan ng aktor sa nasabing isyu dahil narin sa pahayag ni Xian Gaza sa kanyang Facebook live.

Sinabi ng negosyante na parte lamang umano ng plano ang naging panayam kay Robin upang hindi matuon at mahalungkat ang totoong dahilan ng hiwalayan.

Ginawa pa umano ito upang hindi halungkatin ng netizen  ang mga ebidensya na si Kylie ang totoong nangaliwa at hindi si Aljur.

Ayon pa kay Xian, high maintenance umano si Kylie dahilan ng kung bakit hindi maafford ni Aljur ang mga luho nito.

Marami daw mayayaman na nanliligaw kay Kylie at isa na nga dito si JM De Guzman.

May mga lumabas din na ebidensya sa twitter at sinabing hindi lang si JM ang naging karelasyon ng aktres. May isa pa umanong Tattoo artist na laging pinupuntahan ang aktres.

Agad namang pinabulaanan ni Kylie at sinabing magkaibigan lamang sila ni JM. Ngunit wala pa siyang inilalabas na statement tungkol sa totoo artist na pinupuntahan umano niya.

Source: The Philippine Times