Ivana Alawi, matapang na sinagot ang mga taong gustong magdemanda sakanya matapos niyang tulungan ang kutsinta vendor!

Kamakailan lang any nagdiwang ang sikat na actress turned vlogger na si Ivana Alawi ng makamit niya ang mahigit labing isang milyong subscribers sa kanyang Youtube channel.

Naglabas ng panibagong vlog ang aktres kung saan ay tinutulungan niya ang kutsinta vendor na si Joselito Martinez na umantig sa kanyang puso dahil sa kabutihan ng loob nito maging ang istorya ng kanyang buhay.

Marami ang humanga at pumuri sa ginawang kabutihan ni Ivana sa kutsinta vendor. Kahit matagal matagal ng na-ipost ang video ay puro papuri ang natatanngap ni Ivana dahil dito, ngunit may mga tao paring pumuna sa kanyang ginawang patulong kay Joselito.

May mga natatanggap na mga banta ngayon si Ivana, at sinasabi nilang kakasuhan nila ang actress-vlogger sa ginawa nito dahil may mga nilabag umano siyang mga safety protocols. 

Ngunit ayon kay Ivana, handa umano siyang lumaban para dito dahil alam umano niya na gumagawa lang siya ng mabuti at wala siyang sinaktan o tinapakang tao sa kanyang ginawa.

“Kung may nilabag akong batas, eh di kasuhan nalang nila ako. Haharapin ko ‘yun. Lalaban ako, ‘di ba? Kasi para sa akin, I didn’t do anything wrong. Ang intention ko was just to help out and to inspire people,” Saad ni Ivana. 

“Wala akong tinapakan na tao, wala akong sinaktan na tao. Masaya ako sa video and I would do it again,” Dagdag pa nito. 

Samantala, nagbigay naman ng update si Ivana sa kutsinta vendor na si tatay Joselito. “Right after ko nilabas ‘yung vlog na street prank, nagkita kami after two days. Pina-swab ko siya tapos nakapag-usap, nag-lunch, and I helped out in my own small ways."

Binilhan ni Ivana ng mga appliances sa bahay ang matanda. Bukod pa rito ay binilhan pa niya si tatay Joselito ng brand new na motor.

“Hindi pa po tapos. Tay, motor niyo po ‘yan. Sa inyo na po ‘yan, Tay,” Ivana said. “‘Wag na po kayo magba-bus masyado. Sa inyo na po ‘yan, Tay,” Saad ng aktres.

Hindi na napigilan ng vendor na mapahagulgol sa pag iyak dahil sa hindi inaasahang regalo mula sa youtube star.

"May sasakyan na tayo" saad ni tatay Joselito habang kausap ang asawa.

Sa ngayong ay may mahigit labindalawang (12) milyon na subscribers si Ivana sa kanyang Youtube channel, at may roon mahigit 18 million views na ang kanyang "Pranking strangers on the street" vlog.
Source: The Philippine Times